GITA - BASANTESHWARI- Adhyāya tērahavām̐ - kṣētrakṣētrajñadarśana yōga- Basant

Kṣētra dēha kā nāma hai, jō jānē kṣētrajña
Hē Arjuna isa tatva sē, tatva jñāni hai bhijña.. 1..

Saba kṣētrōṁ mēṁ Pārtha hē jāna mujhē kṣētrajña
Jñāna kṣētrajña kṣētra kā, mama mata mēṁ hai jñāna.. 2..

Jō, jaisā, jisa hai kṣētra, aura vikāra prabhāva
Jō jaisā kṣētrajña yaha, jāna usē saṅkṣēpa.. 3..

R̥ṣiyōṁ nē gāyā bahuta, vēda prathama bahu chhanda
Niśchita yukti sahita kahā, Brahma sūtra kē pada.. 4..

Ahaṅkāra avyakta mana, pan̄cha bhūta aru bud'dhi
Pan̄cha viṣaya dasa indriyāṁ, icchhā sukha duḥkha dvēṣa.. 5..
Sthūla piṇḍa aru chētanā, dhr̥ti saba haiṁ yē kṣētra
Kahā sahita vikāra kē sūkṣhma mēṁ yaha kṣētra.. 6..

Uttamatā kā māna nahiṁ, dambhācharaṇa abhāva
Kisī jīva hinsā nahīṁ aura kṣhamā kā bhāva
Mana vāṇī kī saralatā guru sēvā aru śaucha
Dhī, mana kī hō dhīratā aru indriya para rōka.. 7..
 
Indriya bhōga vairāgya hō, aura anha kā nāśa
Janma mr̥tyu jara rōga duḥkha, dēkhē dōṣha vichāra.. 8..

Nā mamatā nā āsakti hō, suta nārī gr̥ha ādi
Priya apriya kī prāpti mēṁ, sama hō jisakā chitta.. 9..


Anan'ya yōga sē yukta mana satī nārī sama bhakti
Śud'dha dēśa sēvana karē, prēma na jana samparka... 10..

Adhyātma jñāna mēṁ rata sadā, tatva jñāna darśana parama
Yaha saba jō hai jñāna hai, aura an'ya ajñāna.. 11..

Jñēya hai vaha jāna jisakō, amr̥ta kō nara prāpta kara
Ādimata Parabrahma nahiṁ sat, nā asat hai jāna lē.. 12..

Jisakē sarvatra nētra sira mukha, kara paira saba diśa ōra haiṁ
Jisakē sarvatra karṇa bhī haiṁ, vyāpta jaga sarvatra hai.. 13..

Abhyāsa jēhi saba indriya guṇōṁ kā,
Indriyon sē rahita hai
Anāsakta para dhartā bhartā,
Nirguṇa bhōktā saguṇa kā.. 14..

Bāhara - bhītara chara achara, saba bhūtana mēṁ jāna
Sūkṣhma rūpa ajñēya hai, ati samīpa ati dūra.. 15..

Vibhakta sthita bhūta mēṁ, avyakta usē tū jāna
Utpatti bhartā jagata kā aura karē sanhāra.. 16..

Jyōtiyōṁ kī jyōti hai, māyā sē ati pāra
Jñāna jñēya hai jñāna yōgya jō, saba ura antara vaas 17..

Kahā sūkṣma mēṁ kō kṣētra aura kahā hai jñāna
Jāna tatva isa jñāna kō, mama svarūpa kō prāpta.. 18..

Prakr̥ti puruṣa anādi haiṁ, jāna dō'u hē Pārtha
Saba sambhava haiṁ prakr̥ti sē, guṇa vichāra bhī jāna.. 19..

Kārya karan utpatti kā, hētu prakr̥ti kō jāna
Jāna bhōgapana hētu hai, dēhī sukha duḥkha Pārtha.. 20..

Dēhī bhōgē triguṇa rasa, thira janmē avyakta
Saṅga guṇōṁ kā hētu hai, janma śrēṣṭha agha yōni.. 21..

Dēha sthita puruṣa hī para paramātmā māna
Upadr̥ṣṭā anumantā bhartā bhōktā Iśvara jāna.. 22..
 
Jō jānata hai puruṣa kō, aura prakr̥ti guṇa ādi
Sabhī karma karatā hu'ā, janma nahīṁ jaga māhi.. 23..

Kitanē dēkhēṁ ātma kō, svayaṁ ātma sē ātma
Kitanē jaga mēṁ jñāna sē, yōga karma sē an'ya.. 24..
 
Jō an'ya ajñānī jana, nahiṁ jānata ēhi bhānti
An'ya śravaṇa upāsya mama, śravaṇa jagata sē pāra.. 25..

Sakala charācara prāṇijaga, janmata haiṁ hē Pārtha
Kṣētrajña sanyōga kṣētra sē, janma sabhī kā jāna.. 26..

Naṣṭa hōta saba bhūta mēṁ, avināśī bhagavāna
Jō dēkhē samabhāva sē satya dr̥ṣṭi vaha jāna.. 27..

Jō saba mēṁ samabhāva sama sthita dēkhē īśa
Naṣṭa nahīṁ karatā svayaṁ, parama gatī kō prāpta.. 28.

Jō dēkhē saba karma kō prakr̥ti karē saba karma
Dēkha akartā ātma kō, satya dr̥ṣṭi vaha dr̥ṣṭa.. 29..
 
Bhūtōṁ kē saba bhāva kō, sthita dēkhē Iśa
Aru dēkhē vistāra Iśa sē, tat kṣhaṇa brahma svarūpa.. 30..

Nāśa rahita anādi nirguṇa paramātmā hē Pārtha
Nahiṁ karatā nahiṁ lipaṭatā, sthita rahatā dēha.. 31..

Ākāśa vyāpta hai sarvatra, sūkṣma jāna nahiṁ lipta
Sampūrṇa dēhastha yaha ātmā, vaisē hī nirlipta.. 32..

Pārtha sūrya brahmāṇḍa kō, jyōrtimaya kara dēta
Vaisē hī yaha ātmā, jyōti kṣētra bhara dēta... 33..

Kṣētrajña kā kṣētra bhēda aru bhūta prakr̥ti sē mōkṣha
Jñāna cakṣhu vidu jānatē, parama brahma kō prāpta.. 34

                                      ...............................